O tigre (Panthera tigris), un dos animais máis emblemáticos do mundo, está en perigo de extinción debido á caza furtiva e á destrución do seu hábitat. Para evitar que desapareza, os 13 países nos que aínda vive por fin están a tomar medidas para protexelo e dobrar a súa poboación para o ano 2022. Os esforzos do gobernos e de organizacións conservacionistas como WWF xa están a dar o seu froito, segundo reflicte o censo de tigres de 2014 de India que foi presentado esta semana.
A poboación estimada deste felino no subcontinente asiático, o país que alberga máis da metade dos tigres que quedan no mundo, ascendeu en 2014 2.226 exemplares, fronte aos 1.706 que había en 2010 e os 1.411 contabilizados no censo de 2006.
Pero os plans de conservación postos en marcha en India están a cobrarse outras vítimas. Segundo denuncia a organización Survival International, o Goberno está a forzar a grupos indíxenas a abandonar as reservas de tigres nas que viviron durante xeracións.
Ningún comentario:
Publicar un comentario